FOTOS CAMPIONATO DE TIROS A CANASTRA

Aquí vós deixamos as fotos dos medallistas nas tres categorías do Campionato de tiros a canastra. Se queredes ver algunha máis, pinchade sobre a foto.

CAMPIONATO DE PENALTIS

Último campionato do curso que celebraremos a partir da semana do 1 ao 5 de xuño durante os recreos, polo que ide buscando a vosa parella e botándolle un ollo ao regulamento. 

Para participar, tedes que anotarvos na folla de inscrición que está no taboleiro de EF.

CAMPIONATO DE TIROS A CANASTRA

A vindeira semana levaremos a cabo o torneo de tiros a canastra. Este campionato consistirá en realizar 5 tiros dende diferentes posicións intentando conseguir o maior número de puntos.

Podedes anotarvos dende xa nas follas de inscrición no taboleiro de EF, e nos vindeiros días, vos iremos avisando de cando lle toca participar a cada categoría. 

Ide afinando a vosa puntería nos recreos🏀🏀🏀.

III RALLYSPRINT CONCELLO DE SILLEDA

Outro ano máis, e xa van tres, volve ao noso concello unha proba puntuable do Campionato Xunta de Galicia de Rallysprint. Esta celebrarase este fin de semana, o venres 15 e o sábado 16. 

Aquí vos deixamos o cartel.

FOTOS CARRILANAS

Aquí vos deixamos unha foto dos tres primeiros equipos de cada categoría. 

Se pinchades sobre a imaxe, accederedes ao resto do dossier.

XOGOS POPULARES E TRADICIONAIS

Unha vez finalizado o campionato de carrilanas, a seguinte actividade que vos propoñemos son os xogos populares

Para conmemorar o Día das Letras Galegas (17 de maio), a partir do luns 11 teredes a oportunidade de xogar durante os recreos a diferentes xogos populares e tradicionais. 

Tedes a continuación a listaxe dos xogos propostos, e se pinchades enriba deles, obteredes información de como podedes xogar con ese material. Nalgúns hai un vídeo explicativo.

BIRLOS

BUXAINA   (Forma de envolvelo - trucos)

CANICAS    (Guá - ollo ou bombardero)

CHAPAS  (Carreiras)

CARREIRA DE SACOS

ESQUÍS COOPERATIVOS (vídeo)

MARIOLA  (vídeo)

ZANCOS

Podedes pinchar 👉👉AQUÍ👈👈 para acceder á galería de fotos.

COMPETICIÓNS BALONCESTO/BALONMÁN BENXAMÍN E ALEVÍN (XOGADE)

Neste mes de abril, leváronse a cabo as xornadas de baloncesto e balonmán (XOGADE) tanto nas categorías benxamín (4ºEP) e alevín (6º EP).  

O alumnado participante desprazouse ata o colexio CPR Plurilingüe María Inmaculada para enfrontarse, en categoría benxamín, aos equipos do María Inmaculada (Silleda), do CEIP Vicente Arias de la Maza (Vilatuxe) e CEIP de Agolada. En categoría alevín participaron os mesmos centros salvo o colexio de Agolada.

Ao longo das dúas xornadas celebráronse diferentes partidos no que o alumnado puso en práctica as súas habilidades nestas dúas disciplinas.

Tedes máis fotos na galería da web do cole. Para acceder pinchade na foto.

DÍA INTERNACIONAL DO DEPORTE PARA O DESENVOLVEMENTO E A PAZ // DÍA MUNDIAL DA SAÚDE

Hoxe 6 de abril celébrase o "Día Internacional do Deporte para o Desenvolvemento e a Paz", e mañá martes 7, conmemórase o "Día Mundial da Saúde". 

Ditas conmemoracións presenta unha oportunidade para recoñecer o papel positivo do deporte e a actividade física na nosa saúde, así como nas comunidades e na vida das persoas de todo o mundo.

XOGAMOS COAS CARRILANAS

A seguinte actividade que vos propoñemos é xogar coas carrilanas. Nestes días, nos que o tempo acompañe, teredes a vosa disposición as carrilanas para xogar con elas no percorrido montado nas pistas polideportivas.

Despois desa toma de contacto organizaremos nas próximas semanas un campionato na modalidade de "contra o reloxo" nas diferentes categoría.

A proba realizarase en tres días, competindo o alumnado de educación primaria na súa categoría correspondente. As datas xa volas comunicaremos.

Podedes irvos anotando por parellas nas follas de inscrición que están no panel de EF.

O regulamento da competición será o seguinte:

       - Cada equipo estará formado por dous alumn@s.

    - A proba consistirá en dar 2 voltas ao circuíto, tendo en cada volta que ser un piloto diferente.

      - Cada saída de pista penalizará con 5 minutos que se sumarán ao tempo final.

     - O tempo comezará a correr ao son da bucina e pararase ao cruzar por segunda vez a liña de meta.

       - Gaña o equipo que realice o percorrido no menor tempo posible.

ASIQUE XA SABES!!!! BUSCADE COMPAÑEIR@, PRACTICADE ESTES DÍAS E DESPOIS  ANIMÁDEVOS A PARTICIPAR NO CAMPIONATO!!!!!!😉

SILLEDA CAMIÑA!

O Concello de Silleda retoma a iniciativa de Silleda Camiña

A vindeira semana retómase o programa Silleda Camiña, con andainas biosaudables abertas a todas as persoas interesadas 

 Saída dende o pavillón municipal César G. Fares
 Luns e mércores
 Ás 17:00 horas

Iniciativa para fomentar hábitos saudables, camiñar en compañía e seguir descubrindo espazos do noso municipio.